Bara dhufaa dabraa, aduu baatee dhiituu,
An sumaan aloola, atilleen dhokattuu
Hurree ifiin martee, teysoo wallaalchifattuus
Bubbeen cilliim gootee, arkaaf na rakkiiftuus
An sumaan barbaada, hangaan lubbuun jiru
Baddee- hafta je'ee, yaada garaa hin hiru
An sirra waa bekee sin-himuu ni beyta,
Dhabamtee-nadhibde, maa-beekaa wallaalta!
Addunyaan takkuma, tan biraa hin uumamne
Ni jirta- hin dunee, dutee hin awwaalamne..
Duuba akkamin taha, jiruun si lagadhe
Kan jiruu wal arka, jechuun amanfadhe!
No comments:
Post a Comment