“Bara Holaa fi Lencaa”

Bara Holaa taatee;

-Turjumaana malee waligaltuus wal hogganuu hin beytu.

-Dallaya sitti jaaree, waraabeysa kan sirraa eeguu fira setee jala mar’atta. Boru morma kee gubbaa ablee akka sirra dhaabuummoo hin beytu.

-Kan har’a marga sii-nyaachisee ni jaalatta. Boru akka sii-nyaachuuf taheemmoo hin beytu.

-Dheedarratti wal saamuuf qabsooyta. Injifannoon dirree dheedaa irratti gonfatteen holoyyii kaan dura gabbattee akka dura qalamtummoo hin beytu.

-Hormaataaf foolattee, hobobsiita. Dhallii keetis carraa sin addaa akka hin qabaannee immoo hin beytu.

-Ati Holaa waan taateef holaa qofaan dorgoomta. Umamnii biroo baay’een sirratti akka dorgomaa jiru immoo hin beytu.

-Ati gaafa qalamtu qofa samii agarta. Warra lafa jiru dhisii cululleen samii jirtuulleen raqa kee irratti akka wal dorgomtuu immo hin beytuu.

Bara Lenca taatee;

-Ifirratti irkattee if jiraachifta, tumsaa fi tokkummaan waan tahe itti jiraatteeni jiru godhatta.

-Wal jala demta, hoggansa hojiin dhugoomsita.

-Firaa fi diina kee addaan beyta. Kan sidarbatees hin wallaaltuu.

-Karoora holloyyiin baaftuuf hirriba dhabdee hin bultu. Irra gabbataan holaa faxara kee bira akka hin dabarree beyta.

-Gaafa humna dhabdee akka titichii sitti taphatuu beyta. Kanaaf wal jaartee gamtaan jiraatta.

Holaa yokiin Lenca ta’uuf Filannoon Keeti!